बिना तेल ट्युब के रोड पर
दौड़े छै घोड़ा गाड़ी
सबसे पहिने भेट जाय छै
एकरा खुब सबारी
नहि छै प्रदूषण के खतरा
नहि डीजल पेट्रोलक झंझट
नहि पी पी कs सोर मचाबै
नहि ध्वनि प्रदूषण के झंझट
चल घोड़ा तु बामा चल
मोर पर लs ले दहिना कट
बड़ मनोरम झुला झुलबै छै
घsर पहुँचाबै छै झटपट
सतयुग त्रेता द्वापर युग मे
देबता आ राजाक सवारी
कलयुग मे नाम बदलि गेल
कहै छै सब टमटम आ घोड़ा गाड़ी
रचनाकार दयाकान्त
कोई टिप्पणी नहीं:
एक टिप्पणी भेजें